На ден 21 септември 2023 година во ООУ „Димитар Миладинов” се одржа манифестација по повод Меѓународниот Ден на мирот. Традиционално во нашето училиште се одбележува Денот на мирот и тоа шеста година по ред. Со тоа ние се придруживме кон светската мировна акција – за мир во целиот свет. 
На манифестацијата имаше можност да се видат и чујат детски цртежи и пораки на учениците од нашето училиште. Учениците настапија со песни, стихотворби и пораки за мирот.
Во манифестацијата учествуваа следневи одделенија: II а, II б oдд. , IIIв одд., IV а, IV в одд. и V а одд, а присутни беа и првачиња од I а одд. Исто така настапи училишниот хор и ученици од предметна настава од VIII а, VIII б и IX в одд. Учениците пееја песни за МИР на македонски и руски јазик.
Со тоа ние испративме порака за мир кон целиот свет, од нашето училиште ООУ „Димитар Миладинов”, од Република Северна Македонија и се придруживме на мировната светска акција за мир во светот.
