Во вторникот, на 4 март, г-ѓа Марија Варсамис Симоновска, професорка по француски јазик и директорка на основното училиште „Димитар Миладинов” во Скопје – пилот установа за рано изучување на францускиот јазик, беше одликувана од амбасадорот на Франција со орден Витез од редот на Академските палми. Училиштето „Димитар Миладинов” има привилегирано партнерство со Францускиот институт во Скопје, преку потпишување Меморандум за соработка, а учениците добиваат подготовка за полагање на меѓународно признатите и доживотни дипломи DELF Prim. Ова признание ги наградува нејзиниот исклучителен ангажман и бројните иницијативи за промоција на францускиот јазик и култура во Северна Македонија.
