На 2-ри април, Светскиот ден на свесноста за аутизмот, нашата ученичка Јана од IVб одделение, ни приреди прекрасна и емотивна изложба под наслов „Моите херои“. Со своите талентирани цртежи, Јана раскажа приказни кои допреа до срцата на сите присутни, испраќајќи силна порака за прифаќање и инклузија.
Изложбата, поставена во младинскиот центар „Матично“, е одраз на љубовта и поддршката што Јана ја добива од своето семејство, асистентката и другарчињата. Опкружена со љубов, Јана го претвора светот во боја и форма, покажувајќи дека секое дете заслужува да блесне.
Изразуваме благодарност до сите спонзори кои ја поддржаа Јана: Комерцијална банка, Еуро-Фарм, Стокомак, Авицена – дијагностика и Алкалоид.
Изложбата ќе биде отворена за посетители до 30-ти април, од 10 до 16 часот. Ве покануваме да ја посетите и да се восхитувате на талентот и пораката на Јана.
