Литературно-креативна активност „Мојот јазик – мост меѓу мене и тебе“ за 21 февруари, Светскиот ден на мајчиниот јазик.
Во нашето основно училиште „Димитар Миладинов“ на 21 февруари 2023 година се реализирааа литературно-креативни активности „Мојот јазик – мост меѓу мене и тебе“ за одбележување на 21 февруари, светскиот ден на мајчиниот јазик.
Учениците од Vб одд., VI а,б,в одд. и IX а,б,в одд. организираа натпревари во изразно читање, во убаво пишување – краснопис и во изработка на креативен постер во чест на овој голем меѓународен ден на мајчиниот јазик.Беше задоволство да се гледа и слуша презентирањето на личните творби на учениците, литерати; изразното читање на цитати за македонскиот јазик од Крсте Петков Мисирков; натпреварот во убаво пишување – краснопис на цитати од големиот великан Блаже Конески и изработката на креативен постер со цитати за мајчиниот јазик. Сите ученици беа пофалени и наградени со дипломи.Голема благодарност до учесниците и организаторите на овој убав настан.
![](https://ooudimitarmiladinov.edu.mk/wp-content/uploads/2024/05/331068108_572579164896445_8949493281805570150_n.jpg)
![](https://ooudimitarmiladinov.edu.mk/wp-content/uploads/2024/05/331123983_1267513840523879_7543357225707414487_n.jpg)
![](https://ooudimitarmiladinov.edu.mk/wp-content/uploads/2024/05/331464563_660339485844952_3796014245139604088_n.jpg)